तुझं आणि माझं जमणार तरी कसं?

तुझं आणि माझं जमणार तरी कसं?

तुला लागतो चहा , मला लागते कॉफ़ी
तुला नाही आवडत मी ऊलटी घातलेली टोपी
तुला वाजते थंडी , मला होतं गरम
तू आहेस लाजाळू , मी अगदीच बेशरम
तुझं आणि माझं जमणार तरी कसं?

झोपतेस तू लवकर आणि उठतेस पहाटे
आवडत नाही तुला बॉक्सिंग आणि कराटे
मी मात्र झोपतो बाराच्या नंतर
रविवारी नसतं क्रिकेटशिवाय गत्यंतर
तुझं आणि माझं जमणार तरी कसं?

फ़िरायला आवडतं , आवडतं तुला शॉपिंग
कपड्यांबद्दल बोलतेस अगदी विदाऊट स्टॉपिंग
मला मात्र खरेदीचा येतो कंटाळा
कळत नाही रंग राखाडी आहे की काळा
तुझं आणि माझं जमणार तरी कसं?

घालतो मी शर्ट इस्त्री न करता
जाऊन येतो एकटाच इतरांच न ठरता
तू मात्र बघतेस मैत्रिणींची वाट
बाहेर निघताना नखरे सतराशे साठ
तुझं आणि माझं जमणार तरी कसं?

मला नसतात लक्षात वाढदिवसाच्या तारखा
जातो बाजाराला पण काम विसरतो सारखा
तुला मात्र आठवते पाचवीतली मैत्रिण
बारीक तुझी नजर , डोळे आहेत की दुर्बीण?
तुझं आणि माझं जमणार तरी कसं?

एक सांगू का तुला ?
हे सगळं असुनही आहे तसं जमवुया का आपण?
ऊन आणि सावली राहतात ना जसं
तुझं आणि माझं जमेल का तसं?

काय सांगू मी तुम्हाला मला online प्रेम झाल

काय सांगू मी तुम्हाला मला online प्रेम झाल,
हृदयातील मन माझं facebook वरती आल.

तोंडाने भावना व्यक्त करायचो ते आता विसरले,
सारे शब्द जणू key board वरती घसरले,

मी म्हटले मनाला चल थोडा वेळ जाऊ,
मन म्हणाले मला, ती येते का ते पाहू.

तू गेलास कि माझे शब्द तिथे कोण पोहोचवेल,
अन मी नसलो इथे, तर तुला कोण सुचवेल.

आपण एक काम करू एकत्रच राहू,
ती येण्याची वाट दोघ आतुरतेने पाहू.

५ होते वाजले ती येण्याची झाली वेळ,
मन म्हणाले मला बंद कर तो पत्त्यांचा खेळ.

ती आली, मला म्हणाली आहेस का रे विशाल,
मन म्हणाले मी तुझी वाट पाहतोय खुशाल.

ती म्हणाली हाई, कसा आहेस, आता तू बोल,
मी म्हणालो मनाला आता तूच टाक झोल.

 
खूप वेळ झाला अन भरपूर मारल्या गप्पा,
मन तिथेच होते पुढे जायीनाच टप्पा.

मन म्हणाले मला तीला भेटायला सांग जरा,
मी म्हणालो आत्ता नको वेळ येऊन देत बरा.

ती म्हणाली मला बाय, वाजले आहेत आठ,
मन म्हणाले मला तू का करतोस असा थाट

असंच रोज आमचं ( माझं आणि माझ्या मनाचं) भांडण होत राहिलं,
खर सांगा मित्रांनो तुम्ही कधी online प्रेम पाहिलं ? 

तुमचा मित्र,

==============================

एखाद्या नात्यामध्ये यशस्वी होण्याची गुरुकिल्ली -

जीवनसाथी म्हणून योग्य व्यक्ती निवडणे ही नसून

जी व्यक्ती तुम्ही निवडलीत तिच्यावरच प्रेम करायला शिकणे -ही आहे...........

==============================

                                       

Water Drops Photography By Corrie White

 

 

 

 

 

 

 

 

 

 

 

 

 

 

 

 

 

 

 

 

 

 

 

 

प्रेम

प्रेम

 

चारोळ्या...... मैत्रीच्या !!!! ......Friendship Charolya :) :)

मैत्री म्हंटली की 
आठवतं ते बालपणं 
आणि मैत्रीतून मिळालेलं ते 
खरंखुरं शहाणपण.

कोणी कितीही बोललं तरी 
कोणाचं काही ऐकायचं नाही 
कधीही पकडले गेलो तरी 
मित्रांची नावं सांगायची नाही.

मैत्रीचं हे नातं 
सगळ्या नात्यात श्रेष्ठं 
हे नातं टिकवण्यासाठी 
नकोत खुप सारे कष्टं

मैत्रीचा हा धागा 
रेशमापेक्षाही मऊ सूत 
मैत्रीच्या कुशीतच शमते 
मायेची ती सूप्त भूक

मैत्रीच्या सहवासात 
श्रम सारे विसरता येतात 
पण खऱ्या मैत्रिणी मिळवण्यासाठी 
काहीदा कितीतरी पावसाळे जातात

मैत्री म्हणजे 
रखरखत्या उन्हात मायेची सावली 
सुखाच्या दवात भिजून 
चिंब चिंब नाहली

मैत्रीचे बंध 
कधीच नसतात तुटणारे 
जुन्या आठवणींना उजाळा देऊन
गालातल्या गालात हसणारे