कॅप्शन जोडा

आई अगदी आठवड्याच्या गर्भापासून ते नऊ महिन्यापर्यंत
तू माझी काळजी घेतली होतीस.
तुज्या उदरांत असतांना तु माझ्यावर गर्भ संस्कार केलेस
उदरावर हात फिरवत तु " बाळा लवकर ये रे " म्हणत मला गोंजारलेस

आई !!! मी अजून तुझं तान्हं लेकरू आहे गं

अनंत यातना भोगून तू मला जन्म दिलास
सर्व वेदना विसरून तू मला कुशीत घेतलेस
मी डोळे किलकिले करून मोठ्याने रडू लागलो
आणि तू लगेच मला पदराआड घेवून अमृत तुल्य स्तनपान दिलेस

आई !!! मी अजून तुझं तान्हं लेकरू आहे गं

मला नजर लागू नये म्हणून तू
नेहमी मला काळी तीट लावयचीस
मला जरा काही झाले तर तू कासावीस व्हायचीस
माझा प्रत्येक हट्ट तू बाबांशी भांडून पूरवायचीस

आई !!! मी अजून तुझं तान्हं लेकरू आहे गं

मी तुझा हात धरून मी माझे
पहिले दुडू दुडू पाऊल टाकू लागलो
आणि तू आनंदाने टाळ्या वाजवू लागली
मी ही बोबड्या स्वरांत " माझी आई " म्हणत तुला मिठी मारली

आई !!! मी अजून तुझं तान्हं लेकरू आहे गं

आई त्या मिठीत खरंच परमेश्वरी सुख आहे
तुझ्या पोटी जन्म घेणे हा माझा दैवयोग आहे
जगण्याचे धाडस, स्वाभिमान, कणखरपणा
ह्या सर्व गोष्टींचे बाळकडू तू मला दिलेस

आई !!! मी अजून तुझं तान्हं लेकरू आहे गं

बाबांच्या तुटपुंज्या पगारामुळे घरखर्चासाठी
तू पण कष्ट करून लागली
माझा बाळाला काही कमी पडू नये म्हणून
नेहमी उपाशी राहून प्रेमाचा घास भरवू लागली

आई !!! मी अजून तुझं तान्हं लेकरू आहे गं

मला आठवतंय श्यामची आई चित्रपट पाहतांना
तू माझाकडे पाहत अश्रू ढाळत होतीस
आई मी तुझा श्याम नाही होवू शकलो पण
तू माझ्यासाठी श्यामच्या आई पेक्ष्याही श्रेष्ठ होतीस

आई !!! मी अजून तुझं तान्हं लेकरू आहे गं

मला झोप लागावी म्हणून तू नेहमी
तुझ्या हाताची झोळी कळ लागेपर्यंत झुलवायची
मांडीवर थोपटत गोड अंगाई गीत ऐकता
मला किती छान झोप लागायची

आई !!! मी अजून तुझं तान्हं लेकरू आहे गं

आई मी इतका मोठा झालो तरी
तुझ्या कुशीत, मांडीवर डोके ठेवले की
माझे सर्व व्याप, कटकटी विसरतो
केसांवरून फिरणारा तूजा दैवी स्पर्श हवाहवासा वाटतो

आई !!! मी अजून तुझं तान्हं लेकरू आहे गं

आई अजूनही वाटते की तुझ्या मांडीवर डोके ठेवून
तुझ्या गोड गळ्यातील अंगाई गीत ऐकावे
तू मुलायम हाताने थोपटत रहावे
परत एकदा तुझे दुडू दुडू धावणारे बाळ व्हावे

आई !!! मी अजून तुझं तान्हं लेकरू आहे गं

आई तुझे हे बाळ कितीही मोठे झाले तरी
ठेंच लागताच "आई गं ! " हीच किंकाळी ओठांतून निघते
एकाकी, आजारपणात कोणी जवळ नसले तर
मला तूच जवळ असावी असे वाटते

आई !!! मी अजून तुझं तान्हं लेकरू आहे गं

आई आज माझ्याकडे सर्व आहे पैसा , सुख
पण परदेशात तू माझ्या जवळ नाहीस
आई तू मला इतका मोठा केले आहेस
पण तुझ्या प्रेमापासून पोरकेही केले आहेस

आई !!! मी अजून तुझं तान्हं लेकरू आहे गं

कधी एकदा येवून तुला डोळे भरून पाहीन
तुझ्या चरणांना स्पर्श करून कुशीत विसावेन
आई खरं सांगू " हे सर्व सुख जवळ असून मी
तुझ्याविना भिकारी आहे गं ! भिकारी आहे !!

--