भेटलीस तू.. बोललीस तू..

भेटलीस तू.. बोललीस तू..
थांबल्या दिशा, थांबले ऋतू
थांबला जणू काळ तेवढा
काळ जेवढा- थांबलीस तू !

भासलीस तू कापरापरी
काजळी जणू- काळजावरी
कंप पावती खोल पापण्या
सांगती तुझी- बातमी खरी !

हासणे तुझे, स्फुंदणे तुझे
आळसावणे, रंगणे तुझे
त्या कळा कुठे? रंग ते कुठे?
लोपले कुठे, चांदणे तुझे?

शब्द का मुके? मौन बोलके..
बोल ना जरा, बोल नेमके
सांग कल्पना, सांग शक्यता
सांग वेदना.. सांग हुंदके

सांग ना तुला टोचते कुठे?
काय वाटते, बोचते कुठे?
बोलतेस तू त्या तटावरी
या तटावरी.. पोचते कुठे !

तीच तू जरी, तोच मी जरी
वेगळे किती वाटतो तरी !
एवढी कशी आज अंतरे