व्याख्या

कविता .... ?

फक्त कविता म्हणतो तू याला ... ?

इतकं सोपं नव्हतं हे...
प्रचंड वाचन, मनन, चिंतन..... अभ्यास असावा लागतो.
अव्यक्ताच्या काठावर बसून क्षितिजापलिकडे पहाणारा दृष्टीकोन असावा लागतो.

अरे, सुर्याच्या बोकांडी बसून
आकाशगंगेला जेव्हा रमच्या ग्लासात पिळली तेव्हा...
आणि तेव्हाच हा चंद्रीय 'ऑन द रॉक्स' अनुभव मिळाला.

शब्दांच्या पलिकडील पहायला शिका...
शब्दात, वाच्यार्थात अडकणं हे मागासलेपणाच लक्षण आहे.
भावार्थ... साध्या भाषेत... भावना महत्त्वाची....
यु शुड रिड बिटवीन द वर्डस. 
मी तर म्हणेन... चेन्ज युवर विजन.... बिटवीन द "अक्षरे"